حل الفنان محمد رمضان ضيفا على برنامج abtallks ، الذي يقدمه الإعلامي أنس بوخش على قناة على اليوتيوب، وتحدث فيه لأول مرة عن فقدانه لوالده، مشيرا إلى أنه دخل في حالة غريبة لم يكن يتوقها.

محمد رمضان يتحدث عن فقدانه لوالده لأول مرة 

وقال محمد رمضان في تصريحات رصدها موقع تحيا مصر: اتغيرت بشكل كبير في الفترة اللي فاتت، بقيت أشوف الحياة بشكل مختلف، خاصة بعد وفاة والدي، غيرت فيا حاجات كتير.

وتابع حديثه: "لما كنت بتخيل إن أبويا أو أمي ممكن يموتوا كنت بنهار من البكاء ، لحظة وفاة والدي جتلي حالة غريبة كأنه دعالي قبل ما يموت بالصبر، ولما لقيت اخويا الكبير بيعيط قولتله انت مش بتحب أبوك؟.. أبوك اللي عنده ٧٧ سنة رجع شباب تاني والخشونة اللي في ركبته راحت.. هو راح يشوف أمه اللي مشفهاش قبل كدة.. لازم نفرحله، مش بس كدة ده رايح كمان عند الكبير، يا بخته برؤية ربنا.

محمد رمضان: حاسس براحة إن والدي في مكان أفضل

وأضاف محمد رمضان:  لما روحت زورت والدي في المقابر حسيت براحة.. وإن احنا اللي صعبانين عليه أننا لسة في الدنيا اللي بنحارب فيها، وانا مرتاح أنه في مكان كويس، وكمان مش حاسس بالحسرة على وفاته بالعكس انا هروحله وهشوفه تاني، واحيانا ببكي وبنهار لما بتفكر حاجات كانت بينا، ولكن وفاته خلتني أكثر رضا.

 يذكر أنه أعلن محمد رمضان أنه سيغني الأغنية الرسمية لكأس الأمم الأفريقية للمرة الثانية على التوالي، والنسخة القادمة ستُقام في المغرب. وأكد رمضان حرصه على التواجد في أفريقيا، مشيرًا إلى أن النجوم المصريين غالبًا لا يتجهون لأفريقيا لقلة الاغراءات مقارنة بالشرق الأوسط، وأنه أول فنان مصري يسعى للوصول إلى القارة الأفريقية، وذلك خلال نفس اللقاء على راديو نجوم اف ام.

محمد رمضان ينتظر فيلم أسد 

هذا وينتظر الفنان محمد رمضان طرح فيلمه الجديد أسد في السينمات المصرية والعربية خلال العام المقبل، حيث من المتوقع أن ينافس في افلام ليلة رأس السنة ، أو افلام عيد الفطر، وحتى الآن لم يكشف عن الموعد النهائى لعرضه.