أعاد شاب سوري، الذي كان طفلًا خلال الحرب، إحياء ذكريات الألم والمعاناة السورية خلال فعالية ذكرى التحرير، وأبكى الحضور بموقف مؤثر، هذا الشاب المعروف بمقولته الشهيرة: “بشار الأسد قتلنا، أشو نحنا عملنالو؟!”.

وقال الشاب متحدثًا عن طفولته: “كنت طفلاً ما بعرف المدرسة، بس عرفت أصوات الطيران وزوايا الاختباء وعيون أهلي المرتجفة من الخوف، تعلمت كيف أحمي إخواتي ، بس ما تعلمت كيف أكتب اسمي” .

 وأضاف: “شفت القنابل الغازية وأنا ابن سبع سنين، وشفت رصاص يخترق البيت، وكنت أسأل حالي: ليش هيك؟ شو احنا عملنالو؟”

وعن سنوات النزوح واللجوء، قال: “عشنا 14 سنة من بلد لبلد ومن خيمة لخيمة، بس الحمد لله اليوم دموعنا دموع فرح. نحلم بسوريا ترجع تتنفس وتحضن ولادة من جديد”.

وأضاف الشاب تجاه بلده: “فداك يا سوريا، فداك يا شام، تركت ضيعتي وقريتي وبيتي وطفولتي، وطلعت برات البلد، لكن فرحتي اليوم كبيرة لما رأيت بلدي تعود للحياة”.

طفل أبكى السوريين قبل 14 عاما..
صاحب مقولة “بشار الأسد قتلنا أشو عملنالو؟!” يبكي الحضور مجددا في فعالية ذكرى التحرير#نيو_ميديا_سوريا #فجر_سوريا pic.twitter.com/Jf1DChsBcu

— تلفزيون سوريا (@syr_television) December 8, 2025