بعد تصريحه «الأعلى أجرًا».. رضوى الشربيني لـ أحمد العوضي: المفروض يتكلم عن اللي وصله - وضوح نيوز

وجهت الإعلامية رضوى الشربيني رسالة حادة غير مباشرة إلى الفنان أحمد العوضي، ردًا على تصريحاته بشأن كونه «الأعلى أجرًا في مصر»، ما أثارت تفاعل جمهورها الذين اعتبروا أنها تتحدث بشكل غير مباشر عن الفنانة ياسمين عبد العزيز.

رضوى الشربيني لـ أحمد العوضي: المفروض يتكلم عن اللي وصله لهناك

وكتبت رضوى الشربيني عبر صفحتها الرسمية بموقع «فيسبوك»: «بشوف إن الواحد اللي يتكلم عن إنه بقى الأعلى في الاسم والأجر، المفروض كمان يتكلم عن مين اللي وصّله لهناك، ويتكلم عن فضل ومعروف الناس اللي خلّته يوصل لكده، ده إذا كان أصلًا الأعلى، لأنه مفيش حد أعلى غير ربنا سبحانه وتعالى».

وتابعت رضوى الشربيني رسالتها لـ أحمد العوضي: «عامةً، كل واحد وتربيته، واللي بيزرع خير أكيد آخرته هتبقى خير، واللي بيزرع شر أكيد نهايته هتبقى زيّها».

متابعو رضوى الشربيني يتفاعلون مع رسالهتا لـ أحمد العوضي

ومن جهتهم، تفاعل متابعو رضوى الشربيني مع رسالتها لـ أحمد العوضي، وكان من أبرز التعليقات: «كل الدعم لرأيك مش عشان كلامك لأ عشان انا بستجدع الناس اللي بتدافع عن صحابها»، كما علق متابع آخر: «ليه ميبقاش عندنا حب وفرحة للناس وبنجاحهم لو هو شايف نفسه كده ربنا يوقفه ونفرحله ربنا يزيده هو وغيره، كل واحده سيحاسب على قوله وفعله ربنا قال ولاتمشى في الأرض مختالا فخورا، لو نيته كده فربه اللى يحاسبه، احنا ما علينا غير نقول ربنا يزيده هو وغيره».

أحمد العوضي يثير الجدل بتصريحاته

وكان أحمد العوضي قد خرج بتصريحات عبر بث مباشر على موقع «فيسبوك» بأنه النجم الأعلى أجرًا ومشاهدة ومبيعًا في مصر، مشيرًا إلى أن نجاحه جاء بفضل دعم الجمهور وفضل الله عليه، وأن مسلسله الأخير «فهد البطل» حقق أعلى نسب مشاهدة وتفوق في الإعلانات.

أحمد العوضي: عيد ميلادي السنة الجاية أقضيه معاكم أنا والمدام

وأضاف العوضي، أن أجمل ما في عيد ميلاده هو قضائه مع الأشخاص الذين يحبونه ويبادلونـه المحبة، مضيفًا: «أجمل حاجة إنى أقضي عيد ميلادي مع اخواتي اللي بيحبوني وكان بالنسبة لى أحلى عيد ميلاد».

وأنهى العوضي تصريحاته، قائلاً: «إن شاء الله عيد ميلادي السنة الجاية أقضيه معاكم أنا والمدام»، وأضاف مازحًا: «والسنة اللي بعدها أبقى أنا والمدام والولاد في عيد ميلادي برضو، أنا أحب الأحداث كلها تحصل فى عيد ميلادي».

اقرأ أيضاً
هل تقصد ياسمين عبد العزيز؟.. ريهام سعيد لـ أحمد العوضي: رُد الجميل للي خلت الناس تعرفك

«المطربة كاميليا».. تفاصيل دور رحمة محسن في مسلسل «علي كلاي» لـ أحمد العوضي